Juve “fiksohet” pas dyshes së Lille, David-Zhegrova objektiva të Giuntoli-t
Pasi thyen Real dhe Atletico, Lille ndali edhe Juven, me Zhegrovan dhe David që zhvilluan një tjetër sfidë spektakolare, assisti i sulmuesit dardan dhe finalizimi i David bënë që Lille t’i merrte një pikë “Zonjës së Vjetër”. Zhegrova po kalon një moment fantastik pasi paraqitja e tij kundër këtyre rivalëve të mëdhenj nuk ka kaluar në heshtje. Në fakt, Zhegrova u kërkua edhe në verë nga disa klube të rëndësishme, por tani emri i tij po qarkullon fuqishëm në Serie A.
La Gazzetta dello Sport, shkruan se Juventus ka kthyer vështrimin nga dyshja e Lille, me David dhe Zhegrova që mund të jenë dy alternativa shumë të rëndësishme për të ardhmen. Pak kohë më parë, Zhegrova deklaroi se tani ka ardhur momenti për të bërë një tjetër hap në karrierën e tij, është gati për të luajtur për një klub më të madh, pa diskutim Juventus është një i tillë, klubi më i madh në Itali.
Cristiano Giuntoli e njeh shumë mirë Zhegrovan, kërkoi informacione edhe gjatë verës, por në fund përfundoi duke marrë Conceisao-n. Devid dhe Zhegrova kanë një kimi shumë të fortë ndërmjet tyre, nuk është aspak çudi nëse të dy do t’i shihnin në Torino.
()
