“Do të rikthehesha vetëm nëse do më kërkonte Roma ose Cagliari”, Ranieri prezantohet tek Roma: Dua një skuadër ambicioze, tifozët të na mbështesin

Pas Daniele De Rossi e Ivan Juriç, Roma ka prezantuar ditën e sotme në konferencë trajnerin e tretë për këtë sezon, Caludio Ranierin. Për 73 vjeçarin kjo është hera e tretë që ulet në stolin e skuadrës kryeqytetasve. Pavarësisht këtij fakti dhe eksperiencës shumë të gjatë që mban mbi supe, Ranieri nuk arriti dot të fshehte emocionet për nisjen e kësaj aventure të re:

“E kam thënë gjithmonë, që do të rikthehesha të drejtoja një skuadër futbolli, vetëm nëse kjo skuadër do të quhej Roma, ose Cagliari. Pas përfundimit të këtij sezoni, do të jem në krah të presidentit në rolin e dirigjendit. Dua një skuadër ambicioze, që të japë 120% në fushë. Ndaj dua që tifozët ta mbështesin gjithmonë skuadrën në çdo rast pavarësisht rezultateve.