“Po godasim Ukrainën me raketa me rreze të mesme veprimi”, Putin: Përgjigje ndaj përdorimit të armëve amerikane
Presidenti Vladimir Putin tha se sulmi i mëngjesit të sotëm në qytetin qendror të Ukrainës, Dnipro, u krye me një raketë “të re konvencionale me rreze të mesme veprimi”.
“Ishte koduar me emrin Oreshnik”, shton ai.
“Në përgjigje të përdorimit të armatimit me rreze të gjatë amerikane dhe britanike më 21 nëntor të këtij viti, forcat e armatosura ruse kryen një sulm të kombinuar në një nga objektet e kompleksit ushtarako-industrial të Ukrainës. Në kushte luftarake, u krye një provë e një të sistemeve më të fundit të raketave me rreze të mesme veprimi, në këtë rast, me një version hipersonik jo-bërthamor të një rakete balistike, thotë Putin, përpara se të shtojë se “testi ishte i suksesshëm u arrit”.
“Një nga komplekset industriale më të mëdha të njohura që nga epoka sovjetike është goditur në territorin e Ukrainës, në qytetin e Dnipropetrovsk. Ajo është ende duke prodhuar raketa dhe armatime të tjera,” shton ai sipas BBc.
AlbaniaWeb.net
