Conor McGregor shpallet fajtor për përdhunim, ylli i MMA do t’i paguajë viktimës rreth 250 mijë euro dëmshpërblim

Superylli i UFC Conor McGregor është shpallur fajtor për përdhunim nga një Gjykatë e Lartë në Dublin. McGregor u akuzua për sulm dhe përdhunim nga Nikita Hand dhe një juri civile tani ka dalë me vendimin se McGregor është fajtor për sulmin.

Hand pretendoi se sulmi ndodhi në hotelin Beacon në Dublin më 9 dhjetor 2018. McGregor tani do të duhet të paguajë më shumë se 248,000 euro si dëmshpërblim.

Trupi gjykues për çështjen kishte qenë duke diskutuar që nga e enjtja dhe arriti në vendimin e fajësisë për McGregor.

Sipas padisë civile, McGregor u deklarua se kishte “përdhunuar dhe dhunuar brutalisht” gruan në dhjetor 2018. Fillimisht, luftëtari i UFC-së deklaroi se ai dhe Hand kishin kryer marrëdhënie konsensuale në hotelin Beacon, në jug të Dublinit.