Gjesti shënon rritje dramatike e ndjekësve pas daljes nga BBVK
Gjesti, ish-banori i Big Brother VIP Kosova 3, është aktualisht një nga personazhet më të komentuar në trojet shqiptare dhe jo vetëm. Ai u largua nga BBVK vetëm dy ditë më parë, por surprizoi të gjithë kur, pa kaluar as 24 orë, ai u fut në Big Brother Albania. Ky kalim ka shkaktuar shumë diskutime mes atyre që e ndjekin dhe e duan.
Pasi doli nga BBVK, Gjestin e ndoqën rreth 160 mijë ndjekës në Instagram. Megjithatë, ai ka shënuar një rritje të jashtëzakonshme në numrin e ndjekësve. Vetëm një ditë pas hyrjes së tij në BBVA, ai ka arritur një rekord duke shtuar 100 mijë ndjekës të rinj, duke e çuar numrin e tij të ndjekësve në 260 mijë.
Në një video që bëri bujë para hyrjes së tij në Big Brother Albania, Gjesti shprehej se ishte i lodhur, por se ende kishte “puls”, një shprehje që ka emocionuar shumë fansat e tij dhe ka shtuar interesin për personazhin e tij.
