“Diçka e bukur po vjen”/ Beniada Nishani zbulon projektin e ri televiziv

Beniada Nishani ka ndarë me ndjekësit e saj në Instagram lajmin emocionues se po përgatitet për një projekt të ri televiziv. Në një postim të fundit, ajo ka treguar se një nga objektivat e saj për vitin 2025 ishte të prezantonte një program të ri dhe tashmë ëndrra po bëhet realitet.

“Diçka shumë e bukur po vjen! E lumtur dhe mirënjohëse për këtë fillim të ri. Në objektivat e mia për vitin 2025 ishte dëshirë të prezantoja një program tim. Së shpejti pasditja do të ketë një shije të re. Shihemi së shpejti,” shkruan Beniada, duke lënë të kuptohet se projekti i saj i ri do të jetë një program që do të transmetohet pasditeve.

Ende nuk dihet se për çfarë formati bëhet fjalë, por me siguri Beniada do të sjellë energjinë dhe pozitivitetin e saj në ekran.