Zgjedhjet parlamentare 2025/ Jozefina Topalli takim me emigrantët shqiptarë në Abruzzo të Italisë, detaje nga aktiviteti

Drejtuesja politike e Partisë Demokratike për Diasporën, Jozefina Topalli, më 26 janar do të zhvillojë një takim me emigrantët shqiptarë në zonën e Abruzzos në Itali.

Takimi do të mbahet ditën e diel, 26 janar, në orën 12:00, në Restorantin “La Vigna,” Via Cerrano, Pratola Peligna.

Të pranishëm do të jenë gjithashtu dhe Shkëlqim Hoxha, si dhe kreu i Partisë Demokratike, Sali Berisha, por ky i fundit do të lidhet përmes një video-konferencë në Skype.

Kanë qenë grupi nismëtar dhe kryetari i shoqatës italo-shqiptare në zonë, Luan Hallulli, i cili ka organizuar aktivitetin, si dhe ka ftuar emigrantët shqiptarë nga Abruzzo dhe zonat përreth për t’u bashkuar në këtë bashkëbisedim.

Aktiviteti do të shoqërohet edhe nga pjesëmarrja e senatorëve dhe përfaqësuesve italianë, si dhe të zgjedhurve vendorë të zonës.