Fitore e pastër në Kurbin, Bylis ia del ndaj Laçit

Bylis triumfon 0-3 në fushën e Laçit, në sfidën e vlefshme për Superioren. Ritmi ishte i kënaqshëm që në fillimin e sfidës, me ballshiotët që treguan dëshirë të madhe për të fituar këtë sfidë.

Në minutën e 24-të, të besuarit e Nevil Dedes finalizuan me sukses një aksion me shumë pasime. Berko ndëshkoi kundërshtarin, por gëzimi nuk zgjati shumë pasi goli u konsiderua pozicion jashtë loje. Gjithsesi, festa u bë e ligjshme, pas ndërhyrjes së sistemit VAR.

Kurbinasit u vendosën në kërkim të golit të barazimit, por pa ia dalë dot. Sulmuesi me pasaportë gjermane, Berko u shndërrua sërish në protagonist për mysafirët, teksa dyfishoi shifrat në minutën e 60-të.

Në minutën e 77-të, Peralta thelloi edhe më shumë shifrat, me një goditje të bukur me të majtën.

Me këtë fitore, Bylis shkon në kuotën e 24-pikëve në vendin e gjashtë dhe në sfidën e radhës do të përballet me Tiranën.

Laçi i vendit të parafundit ka 20 pikë dhe do luajë përballë Elbasanit.

(J.S/)