Hamasi plotëson kushtin, dorëzon emrat e pengjeve izraelite që do të lirohen, mes tyre djali 2-vjeçar! Hyn në fuqi marrëveshja e armëpushimit

Marrëveshja e armëpushimit në Gaza ka hyrë në fuqi 3 orë me vonesë. Lajmi vjen pasi Hamasi zbuloi tre pengjet e para që planifikon të lirojë ditën e sotme.

Dorëzimi i emrave ishte kusht nga Izraeli për vendosjen në zbatim të marrëveshjes së armëpushimit. Hamasi ka zbuluar tre pengjet që do të lirohen në ditën e parë të zbatimit të marrëveshjes së armëpushimit në Gaza.

Njëra prej tyre është një shtetase britaniko-izraelite e quajtur Emily Damari. Dy emrat e tjerë janë Romi Gonen dhe Doron Steinbrecher.

Kjo listë me emra ka qenë pengesa kryesore pse Benjamin Netanyahu vonoi fillimin e armëpushimit këtë mëngjes, i cili do të fillonte në orën lokale 08:30.

Një pjesë e marrëveshjes nënkupton se lista duhej të jepej të paktën 24 orë përpara. Më herët, Hamasi deklaroi se arsyeja e vonesës ishte për shkak të një çështjeje “teknike”.