FOTO/ Reali “rrëmben” kreun me poker, Mbappe bën liderin, Ancelotti: Është sulmuesi më i mirë në botë (VIDEO)

Real Madrid “thyen” me “poker” golash Las Palmas dhe “rrëmben” i vetëm kreun e La Liga-s. Me 46 pikë, ekipi i Ancelotti-t lë pas Atletico Madrid, plus 2 pikë dhe për më tepër plus 7 në raport me Barcelonën e vendit të tretë.

Më në fund, Ancelotti dhe tifozët e Realit shijuan një super Mbappe, autor i një “dopietë”, por kjo ndeshje nisi në “malore” teksa Las Palamos i goditi me Fabio Silva-n që në minutën e parë. Reali reagoi shpejt dhe në minutën e 18-të Rodrygo fitoi një 11-metërsh. Nga pika e bardhë e penalltisë, Mbappe u tregua i saktë duke barazuar shifrat në 1-1. Në të 33-të ishte Brahim Diaz që dyfishoi shifrat, por Reali nuk u mjaftua me kaq, pasi tre minuta më vonë, Mbappe me një goditje fantastike realizoi golin e dytë personal dhe të tretin për Realin. Sulmuesi francez gjeti dhe golin e tretë në fundin e pjesës së parë, por VAR anuloi gjithçka për pozicion jashtë loje.

Historia nuk ndryshoi në pjesën e dytë, me Realin që kishte kontrollin total të lojës, ndërsa në minutën e 57-të, Rodrygo sigloi shifrat përfundimtare në 4-1. Dy të përditshmet spanjolle, AS dhe Marca hapën faqen e parë këtë të hënë me të njëjtin titull:

“Lider është Mbappe”. Nuk i kurseu elozhet për paraqitjen e sulmuesit francez as trajneri Ancelotti:

“Është qendërsulmuesi më i mirë në botë. Kishte dyshime nëse mund të luante në qendër apo në krah. Ai është një sulmues i madh, është më i mirë në qendër se në krah, thjesht duhet t’i shfrytëzojmë më mirë aftësitë e tij”, u shpreh Ancelotti.

()