SPAK ekzekuton 15 urdhër-arreste për disa pjesëtarë të një grupi kriminal, mes të arrestuarve dhe policë. Zbardhen akuzat

SPAK ekzekuton 15 urdhër arreste për disa të dyshuar, pjesëtarë të një grupi kriminal.

Lajmi bëhet i ditur për “BalkanWeb” nga gazetarja Klodiana Lala, e cila raporton se mes të arrestuarve janë dhe dy policë të Portit të Durrësit.

Po kështu mësohet se tyre është dhe ish-shoferi i Ardi Veliut, i cili ka qenë Drejtor i Përgjithshëm i Policisë së Shtetit, i cili aktualisht mban postin e kreut të Agjencisë së Mbikëqyrjes Policore.

Mësohet se hetimet erdhën pas letërporosisë së autoriteteve franceze. Sa i përket akuzave të ngritura nga SPAK, bëhet fjalë për disa vepra penale:
Për kryerjen e veprave penale “Pastrimi i produkteve të veprës penale ose veprimtarisë kriminale”, kryer në formën e veçantë të bashkëpunimit, atë të grupit të strukturuar kriminal;
“Ushtrimi pa licencë i veprimtarisë bankare”, kryer në formën;e veçantë të bashkëpunimit, atë të grupit të strukturuar kriminal.
Kontrabanda me mallra të tjerë, kryer në formën e veçantë të bashkëpunimit, atë të grupit të strukturuar kriminal;
“Mosdeklarimi në kufi i të hollave dhe i sendeve me vlerë”;
“Grup i strukturuar kriminal” dhe “Kryerje e veprave penale nga organizata kriminale ose grupi i strukturuar kriminal”.