Dopieta ndaj Spartakut të Moskës, Daku ia dedikon Rei Manajt: Dashtë Zoti lëndimi është i lehtë
Sulmuesi i Kombëtares shqiptare, Mirlind Daku, rrëmbeu skenën mbrëmjen e sotme me fanellën e Rubin Kazanit, teksa shënoi dopietë në triumfin 2 me 1 ndaj Spartakut të Moskës në kampionatin rus.
27-vjeçari ka vendosur që këtë dopietë t’ia dedikojë bashkëlojtarit të Kombëtares shqiptare, Rei Manaj, i cili kaloi një moment të vështirë, duke u transportuar në spital, pas përplasjes kokë më kokë me kundërshtarin në ndeshjen e kampionatit turk mes Silvasporit dhe Goztepes, që përfundoi me rezultatin 3 me 1.
“Shumë i lumtur me performancën, dhe me golat! Golat shkojnë për vllaun Rey Manaj. Dashtë Zoti lëndimi është i lehtë!”, shkruan Daku në rrjetet sociale.
PANORAMASPORT.AL
