Humbja e thellë ndaj Atalantës, Locatelli i zhgënjyer: Goli i shpejtë në pjesën e dytë na i preu këmbët

Mesfushori i Juventusit, Locatelli u shfaq i zhgënjyer pas humbjes 0-4 ndaj Atalantës.

“Natyrisht, është e vështirë ta komentosh një ndeshje të tillë. Mendoj se deri te penalltia bëmë një lojë të mirë, por goli i shpejtë në pjesën e dytë na i preu këmbët.

Mendoj se tifozët kanë plotësisht të drejtë të fishkëllejnë kur shohin një ndeshje të tillë. Këtë ua them gjithmonë edhe të rinjve. Jemi një nga skuadrat më të reja, ndryshimi i kësaj atmosfere varet vetëm nga ne. Tifozët na mbështesin gjithmonë dhe, po e përsëris, kanë të drejtë të fishkëllejnë”.