Viktima në kampin Ashraf, Çuçi: Nuk ka ndërruar jetë nga dhuna e policisë. Ishte një i moshuar 79-vjeçar

Ministri Çuçi ka dhënë detaje në lidhje me personin që ka ndërruar jetë sot në kampin Ashraf.

Ai tha se personi nuk ka ndërruar absolutisht jetë nga dhunë e policisë.

“Personi që ka vdekur ju garantoj që vdekja nuk është shkaktuar nga asnjë dhunë e ushtruar nga policia. Po presim raportin e ekspertizës mjekoligjore.
Nuk është prekur as edhe një anëtar me dorë në këtë kamp. Ka kamera edhe nga policia edhe nga ana e kampit, nuk është prekur asnjë anëtarë me dorë, asnjë!
Do presim ekspertizën mjekoligjore. Ai është një burrë i moshuar, 79 vjeç mos gaboj, kanë vdekje brenda kampit që ndodhin rëndom, sepse është një komunitet që po jeton dhe plaket aty, por do presim ekspertizën mjekoligjore. Unë jam i bindur sepse kemi pasur kujdesin për të mos krijuar asnjë incident por të zbatonim vendimin e gjykatës”, tha ai.