E goditën me telefon në fytyrë teksa performonte në skenë, vjen reagimi i parë nga partneri i Bebe Rexhës

Prej disa ditësh u komentua në media goditja që mori Bebe Rexha në fytyrë teksa po performonte në një skenë. Në momentin që këngëtarja e famshme me origjinë shqiptare po bënte shenjën e shqiponjës, një 27-vjeçar e goditi atë me celular në fytyrë.

Lidhur me këtë rast një reagim e ka bërë edhe partneri i Bebes, kineasti ndërkombëtar, Keyan Safyari.

Ky i fundit ka publikuar në rrjetin social “Instagram” një fotografi të përbashkët të çiftit, ku shihen të buzëqeshur e të lumtur pranë njëri-tjetrit.

“Krenar me këtë grua. E fortë. E bukur. E talentuar. Inteligjente. Të dua”, ka shkruar Keyan Safyari në mbishkrimin e fotos.