Debat në Open/ Sula: Të ndërtojmë themelet, se kryetarët çati janë! Jemi të gjithë humbës. Zekthi: Arabeskat e spërdredhjet e Bardhit…

Zgjedhja e kryetari të ri të Partisë Demokratike zyrtare ka përplasur të ftuarit në emisionin “Open” në News24.

Anëtari i Kryesisë së Partisë Fitim Zekthi ka debatuar me tone të ashpra me deputetin e PD Dashnor Sula.

Ky i fundit u shpreh se platforma e paraqitur është një platformë që lufton për individin e për pasojë nuk mund ta mbështesë.

Ndërkohë Zekthi u shpreh se ai merret me idetë dhe jo me personat konkretë.

Pjesë nga diskutimi në studio:

Zekthi: Politika është sëmurë nga zemërimi dhe inati që nga ditët e para që u shfaq në botë.

Grupi i deputetëve është në irracionalitet të plotë. Më gjeni një rast kur një parti organizohet nga poshtë. Pra zgjidhen qelizat poshtë pastaj lart.

Sula: Unë them të ndërtojmë themelet se kryetarët çati janë.

Zekthi: Themelet e një partie janë vlerat politike ideologjike e morale që ajo ka. kryetari nuk është partia, është kolona rreth të cilës mblidhen anëtarësia dhe çatia është synimi i kësaj gjëje. Nuk është se po bëjmë çatinë para themeleve, përkundrazi po ruajmë themelet.

Sulo: Ju akuzoheni për farsë.

Vasili: Kemi kandidaturat.

Zekthi: Statuti i PD e shpjegon në mënyrë shteruese se Kryesia merr vendime autonome e të zbatueshme. Vendimi u mor i saktë.
Sula: Turbullohet rrugës.
Zekthi: Arabeska e spërdredhje të Sekretarit të Përgjithshëm, tipike të një njeriu të zemëruar. Demokracia është pranimi i diferencave, ndërsa këta thonë ose kështu si themi ne o s’ka. Zoti Sula iku nga mbledhja.
Sula: Është një platformë farsë që lufton për individin.

Zekthi: Jam unë farsë

Sula: Fatkeqësisht po. Luan për individin jam shumë i zhgënjyer.

Zekthi: Mos bëj politikë personale. Ju jeni emocional e jo racional. Fatkeqësia politike e Shqipërisë ka qenë gjithmonë…

Sula: Jemi humbës të gjithë. Ky është realiteti. Unë jam racional që 1 plus një bëjnë 2, nuk them dot ë kundërtën.

Zekthi: Për ju, Bardhin, Gështenjën, bota rrotullohet rreth Bashës. Nuk merrem me Bashën unë, por me ide.

(BalkanWeb)