Krim i rëndë në familje/ Rreshteri vret gruan shqiptare, 2 fëmijët e më pas veten
Burrë e grua dhe dy djemtë e tyre, 10 dhe 12 vjeç, u gjetën të vdekur në një shtëpi në periferi të Nju Jorkut të shtunën, në atë që autoritetet e përshkruan si një vrasje-vetëvrasje nga një rreshter policie, sipas mediave.
Zyrtarët e policisë thanë se Watson Morgan, një rreshter në Departamentin e Policisë në Bronxville, qëlloi për vdekje gruan e tij shqiptare Ornela Morgan 43 vjeç dhe djemtë e tyre përpara se të vriste jetën.
Katër trupat u zbuluan nga policia pak pas mesnatës të së premtes në shtëpinë e familjes në New City, në periferi të New York City, pasi Morgan nuk u paraqit për turnin e tij të mbrëmjes në Departamentin e Policisë Bronxville.
“Në këtë fazë të hetimit besohet se Watson vrau gruan dhe dy fëmijët e tij, përpara se të vriste veten me një plagë të vetëshkaktuar me armë zjarri” tha Departamenti i Policisë në Clarkstown. Të katër kanë marrë plagë me armë zjarri, tha policia. Në vendngjarje u gjet një pistoletë.
Watson 49 vjeç, filloi karrierën e tij me Departamentin e Policisë së Nju Jorkut në vitin 2000 përpara se të bashkohej me forcën në Bronxville, një fshat në Westchester County, shtatë vjet më vonë, sipas një biografie të departamentit. Ai u gradua në rreshter në vitin 2016.
